Kush jemi
Biblioteka
Shkencore UPT, është institucion kulturor dhe informues dhe e ushtron
veprimtarinë e vet në mbështetje të procesit mësimor, edukativ, të formimit
profesional dhe të veprimtarisë kërkimore shkencore të UPT-së. Biblioteka
krijon dhe pasuron koleksionet e saj, me literaturë bashkëkohore me profil
tekniko – shkencor, në gjuhën shqipe dhe në gjuhë të huaj, në fushat e
interesit të studentëve dhe stafit akademik të UPT.
B.Sh. është
një nga bibliotekat më të rëndësishme universitare në vend, jo vetëm përsa i
përket krijimit dhe pasurimit të koleksioneve të B. Sh, me literaturë
bashkëkohore me profil tekniko – shkencor, në gjuhën shqipe dhe të huaj në
mbështetje të realizimit të programeve studimore në UPT, por edhe për
informimin, promovimin dhe zhvillimin e kërkimit shkencor në nivel
institucional.
B.Sh. konsiderohet
institucion me karakter shkencor, sepse grumbullon dhe ruan të gjithë
trashëgiminë kërkimore shkencore të shkruar të personelit akademik e kërkimor
të UPT-së, si edhe personelit kërkimor të Instituteve të tjera të kërkim
zhvillimit, të botuara brenda dhe jashtë vendit.
Funksionet e Bibliotekës Shkencore
- Qendër e depozitimit dhe ruajtjes së botimeve me karakter tekniko-shkencor, në gjuhën shqipe dhe të huaj.
- Qendër e depozitimit dhe ruajtjes së disertacioneve, teksteve mësimore, periodikëve shkencorë si dhe të gjithë botimeve të personelit akademik e më gjerë.
- Qendër informimi mbi prodhimtarinë shkencore e teknologjike të anëtarëve të UPT-se: në nivel institucional (UPT), por edhe në nivel njësie kryesore siç janë fakultetet, etj, por edhe në subjektet e interesuara shtetërore e private, si dhe në shoqërinë civile.
- Qendër e shpërndarjes së materialeve që përfaqësojnë zhvillimet studimore, kërkimore shkencore etj. të UPT dhe më gjerë, në të gjitha bibliotekat brenda dhe jashtë vendit me të cilat ka marrëdhënie shkëmbimi ndërbibliotekare, mbi bazën e reciprocitetit.
- Qendër e shpërndarjes dhe promovimit të organeve botuese të UPT-së (Buletini i Shkencave Teknike,- UPT)
- Kryen formim dhe kualifikim të posaçëm.
- Qendër e krijimit të bibliografive tematiko – shkencore, vjetore, etj.
- Qendër e restaurimit dhe lidhjes së materialeve bibliotekare